Azərbaycan xalqının taleyində böyük əhəmiyyət kəsb edən günlərdən biri tariximizə qızıl hərflərlə yazılmış 15 İyun – Milli Qurtuluş Günüdür. 1993-cü ildə həm Ermənistanın torpaqlarımıza qarşı işğalı davam edirdi, həm də Azərbaycanda vətəndaş müharibəsi təhlükəsi yaranmışdı. Ölkədə yaranmış bu ağır vəziyyətdən çıxmaq üçün bir qrup ziyalı Naxçıvana gedərək Heydər Əliyevi Bakıya – hakimiyyətə dəvət etdi. Xalqın əksəriyyətinin xahişi ilə Heydər Əliyev 1993-cü il iyun ayının 15-də Azərbaycan parlamentinin sədri seçildi. Bununla da ölkədə güclü dövlət quruculuğu prosesi başlandı. Azərbaycanın milli mənafelərini qorumağa qadir nizami silahlı qüvvələrin yaradılması, torpaqlarımızın müdafiə olunması ilə bağlı mühüm addımlar atıldı. Ermənistanla davam edən müharibədə atəşkəsə nail olmaq üçün bütün siyasi və diplomatik vasitələr işə salındı. Nəticədə 1994-cü ilin mayında ölkəmiz üçün həyati əhəmiyyət kəsb edən atəşkəsə nail olundu. 1997-ci ildən parlamentin qəbul etdiyi qərarla 15 iyun tarixi Milli Qurtuluş Günü kimi qeyd olunur.
İmtahan Nəticələri
Onlayn imtahan