Novruz bayramı yazın gəlişini simvolizə edən qədim xalq bayramıdır. Zərdüştlük dinindən gəldiyi qeyd olunur, eyni zamanda Bəhai dininin təqvimində yeni ilin ilk günüdür. Novruz Şimal yarımkürəsində astronomik yazın başlandığı, gecə-gündüz bərabərliyi günündə (martın 20-si, 21-i və ya 22-sində) keçirilir. Bəzi qədim inanclara görə kainat 4 ünsürdən − su, od, torpaq və küləkdən yaranıb. Hər il 4 çərşənbə Novruzdan, günün bərabərləşməsindən əvvəl qeyd olunur. Orta əsr müəllifləri Şərq ölkələrində İslam dini yayıldıqdan sonra da Novruz bayramında yaz ənənələrinin, əkinçilik təqvimi etiqadlarının möhkəm yer tutduğunu göstərirlər. Bir sıra xalqlar yaz fəslinin gəlməsini təbiətin canlanması ilə bağlamış, bu münasibətlə şənliklər keçirmiş, onu yeni ilin başlanğıcı kimi bayram etmişlər. Qədim zamanlardan başlayaraq Azərbaycan, İran, Əfqanıstan, Tacikistan, Özbəkistan və bir çox şərq ölkələrində baharın – yeni ilin gəlişini şənliklərlə qarşılayırlar.
İmtahan Nəticələri
Onlayn imtahan